OrkumálaráðgjöfOrkumálaráðgjöf

Ráðgjöf og greiningar EFLU geta skipt sköpum í áskorunum tengdum raforkukerfum, bæði í dag og til framtíðar, enda býr teymi orkumálaráðgjafar yfir mikilli reynslu og þekkingu á raforkukerfum og raforkumarkaði.

Orkumálaráðgjöf hefur útbúið hin ýmsu líkön, t.d. við gerð orkuspáa og mat á orkuþörf vegna orkuskipta. Orkumálaráðgjöf fylgist með raforkumarkaði, verði á raforku, sem og dreifingu og flutningi hennar, og gefur út í skýrslu reglulega, auk þess sem hún aðstoðar m.a. fyrirtæki og sveitarfélög við að bjóða út raforkukaup. Orkumálaráðgjöf nýtir sér öll helstu forrit við ráðgjöf til viðskiptavina.

Styrkur orkumálaráðgjafar EFLU felst í öflugri sérfræðiþekkingu á orkumálum. Hæfni starfsfólks tryggir að fyrirtæki sem flytja og dreifa raforku séu vel undirbúin fyrir áskoranir samtímans og framtíðarinnar. Teymi orkumálaráðgjafar er fjölbreytt og sterkt og fylgist vel með þróun á raforkumarkaði innanlands, með áherslu á verð og nýtingu raforku. EFLA hefur tekið virkan þátt í að meta notkun og þróun raforku á Íslandi, m.a. með gerð raforkuspár. EFLA leggur áherslu á skilvirkni og að aðstoða stofnanir við að taka upplýstar ákvarðanir í orkutengdum málum.

• Gerð spálíkana
• Úrvinnsla hagstærða
• Úrvinnsla orkutalna
• Sviðsmyndagerð
• Mat kostnaðar vegna raforkuskorts
• Mat á þjóðhagslegri hagkvæmni
• Fjárhagslegt mat á einstöku framkvæmdum
• Gerð hagrænna líkana
• Greining raforkukerfa
• Mat á áreiðanleika afhendingar á raforku
• Mat á áreiðanleika framleiðslukerfa
• Orkuspár, þ.e. raforku-, jarðhita- og eldsneytisspár

Starfsfólk orkumálaráðgjafar hefur sérþekkingu í greiningu raforkukerfa, mati á afl- og orkuþörf og gerð ýmissa líkana sem nýtast til að mynda við gerð orkuspár, auk sérþekkingar á raforkumarkaði á Íslandi. Orkumálaráðgjöf hefur safnað saman gögnum í áratugi um allar truflanir á raforkukerfum. Allt þetta og fleira til gerir okkur kleift að veita viðskiptavinum nákvæma og ítarlega ráðgjöf.