Orka
Endurnýjanleg orka er framtíðin. EFLA hefur yfir fjögurra áratuga reynslu af umfangsmiklum orkuverkefnum þar sem við pössum bæði upp á umhverfi og samfélag. Við teljum að saman getum við virkjað krafta okkar í átt að grænni framtíð.
Allt á einum stað
Hvert orkuverkefni er einstakt. Verkefnin búa yfir margs konar áskorunum, hvort sem þau eru samfélagslega og/eða vistfræðilega viðkvæm eða unnin við krefjandi aðstæður. Það sem þau eiga hins vegar öll sameiginlegt eru kröfur um að lausnirnar séu nýstárlegar, áreiðanlegar, hagkvæmar og umhverfisvænar. Eftir fjölmörg vel heppnuð verkefni í yfir 30 löndum hefur EFLA aflað sér sérfræðiþekkingar sem hefur komið fyrirtækinu í fremstu röð á sviði endurnýjanlegrar orku. Þess vegna erum við hjá EFLU mikilvægur samstarfsaðili þegar kemur að ráðgjafarþjónustu í umhverfismálum, jarðtækniverkfræði, landmælingum, virkjunarhönnun og verkefnastjórnun, svo eitthvað sé nefnt. Með auknu samstarfi við nærumhverfi, hagsmunaaðila og samfélagið í heild komumst við nær því að byggja betri heim.
ReykjavíkOrkaEfnahagsleg áhrif orkuskipta
Verkefnið fólst í að meta þau efnahagslegu áhrif sem orkuskipti munu hafa á íslenskt samfélag.
ÞeistareykirOrkaÞeistareykjavirkjun
EFLA sá um eftirlitsþjónustu með byggingum og veitum nýrrar 90 MWe jarðvarmavirkjunar Landsvirkjunar ásamt því að sjá um forritun, prófanir og gangsetningu á stjórnkerfum og fjarskiptakerfi.
Gæði og sjálfbærni
Hjá EFLU eru grunngildin sjálfbærni og gæði. Frá vali á hráefnum til aðferðanna sem við notum eru þessi megingildi okkar leiðarstef. Því til stuðnings er EFLA með vottun í gæðastjórnun (ISO 9001) og umhverfisstjórnun (ISO 45001). Hvergi eru þessar meginreglur mikilvægari en í orkumálum, þar sem framkvæmdir eru oft umfangsmiklar og áberandi. Við vinnum náið með viðskiptavinum að því að sigrast á áskorunum og uppfylla miklar kröfur. Við erum stolt af því að vera hluti af grænu byltingunni um Norðurlönd, Evrópu, Kanada, Miðausturlönd og víðar.
Hafðu samband við sérfræðinga EFLU
