VerkefnastjórnunVerkefnastjórnun

Árangursríkar framkvæmdir einkennast af nákvæmri skipulagningu. Verkefnastjórar EFLU aðstoða viðskiptavini við að móta skýra stefnu og setja sér markmið fyrir verkefni sitt. Í sérhverju verkefni felst áhætta sem ráðgjafar EFLU meta og greina til að taka fyrirfram á málum í stað þess að bregðast við eftir á. Öllum aðilum verkefnisins er haldið upplýstum og tryggt að með leiðandi stjórnun sé komið í veg fyrir árekstra, kostnaðarauka og tafir. Teymi EFLU skarar fram úr þegar kemur að verkefnaáætlunum, kostnaðar- og tímastjórnun, framkvæmdaáætlunum og eftirliti, byggingar- og breytingastjórnun og fleiru. Fyrir utan almenna verkefnastjórnun sérhæfum við okkur einnig í framkvæmdastjórn, eftirliti, byggingastjórn, áætlanagerð, útboði, samningastjórnun, LCC greiningu, hagkvæmniathugunum, innkaupum, úttektum, gangsetningu, áhættustýringu og greiningu.

EFLA býður upp á alhliða þjónustu til að auka skilvirkni byggingaframkvæmda. Lögð er áhersla á framúrskarandi samskipti og samvinnu, tryggt að allir hagsmunaaðilar séu upplýstir í öllu ferli verkefnisins og með leiðandi stjórnun komið í veg fyrir árekstra, umframkostnað og tafir. Nýjustu aðferðum verkefnastjórnunar er beitt á stór og smá verkefni til að tryggja farsæla niðurstöðu fyrir viðskiptavini. Við hjá EFLU vitum að kostnaður og tími haldast í hendur og því er mikil áhersla lögð á að fylgjast vel með þeim þáttum og virkri áhættustýringu beitt. Með markvissri stjórnun er tryggt að breytingar sem kunna að verða á verkefninu valdi sem minnstri truflun og óvissu.

• Framkvæmdastjórnun
• Verkefnastjórnun
• Eftirlit
• Öryggiseftirlit
• Áhættugreiningar
• Áhættustjórnun
• Kostnaðaráætlanir
• LCC greiningar
• Tímaáætlanir

Verkefnastjórar EFLU leggja metnað sinn í að skilgreina vel stefnu í upphafi verkefnis ásamt viðskiptavini, leggja grunn að góðri skipulagningu, áætlanagerð, hvatningu og stýringu, með það að leiðarljósi að ná settum markmiðum á réttum tíma og að lágmarka kostnað. EFLA hefur stýrt stórum og smáum verkefnum af ýmsu tagi á borð við hátæknisetur Alvotech, endurbyggingu afriðla fyrir Alcoa Fjarðaál, eftirlit með endurnýjun flugbrauta á Keflavíkurflugvelli og byggingu PCC á Bakka við Húsavík.