Útsýnispallar við ferðamannastaðiÚtsýnispallar við ferðamannastaði

Tilgangurinn með útsýnispöllunum er að bæta öryggi ferðamanna og minnka ágang á náttúruna. Síðast en ekki síst má njóta enn betra útsýnis yfir náttúruperlur.

Þau verkefni á sviði útsýnispalla sem EFLA hefur komið að eru meðal annars.

Útsýnispallur við Ófærufoss í Eldgjá í Vatnajökulsþjóðgarði var tekinn í notkun árið 2014. EFLA sá um landmælingar og burðarvirki ásamt því að sjá um útboðsgögn. Pallurinn er 12 fm með tröllatröppum þar sem hægt er að tylla sér niður og njóta útsýnisins.

Pallurinn var hannaður af Arkís arkitektum í samstarfi við Landform og var verkefnið unnið fyrir Vatnajökulsþjóðgarð.

Við Hundafoss í Skaftafelli var smíðaður útsýnispallur sem var tekinn í notkun sumarið 2017. Einnig var gönguleiðin að fossinum bætt, en leiðin er ein fjölfarnasta gönguleiðin í Skaftafelli. EFLA sá um burðarvirki, landmælingar og ráðgjöf til verkkaupa á framkvæmdartíma.

Árið 2012 var byggður útsýnispallur efst uppi á höfðanum við Skógafoss í Rangárþingi. EFLA sá um burðarvirki, útboð og eftirlit með framkvæmdum, landmælingar ásamt ráðgjöf til verkkaupa.

Landform hannaði pallinn, verkið var unnið fyrir Rangárþing Eystra.

Um 100 fm útsýnispallur var settur upp við hinn fjölsótta Dettifoss en á háannatíma koma um 2000 gestir að fossinum daglega. EFLA sá um burðarvirki, var með ráðgjöf vegna mælingar á jarðtækniráðgjöf ásamt því að hafa umsjón með útboðsgögnum.

Landmótun arkitektar hönnuðu pallinn en verkefnið var unnið fyrir Vatnajökulsþjóðgarð.

Við Hrísvaðsfoss og Göngumannafoss í fossaröð Dynjanda hafa verið settir upp tveir útsýnispallar. Einnig hefur aðstaða á bílastæði verið bætt ásamt því að göngustígur hefur verið lagður að pöllunum.

EFLA sá um burðarþolshönnun í pöllunum, Landform sá um hönnun pallanna og var verkið unnið fyrir Umhverfisstofnun.

Við Brimketil í Grindavík er búið að hanna nýjan útsýnispall. EFLA sá um burðarvirki og útboðsgögn.

Landmótun hannaði pallinn og var verkefnið unnið fyrir Reykjanes Geo Park og Grindavíkurbæ.

Við Kerið í Grímsnesi var útsýnispallur settur upp ásamt því að komið var fyrir tröppum sem liggja niður að vatnsborði kersins. EFLA sá um alla burðarþolshönnun vegna útsýnispallsins ásamt almennri verkfræðiþjónustu. Einnig sá EFLA um landmælingar og hnitsetningar með dróna og útbjó þrívíddarmódel af svæðinu.

Landmótun sá um hönnun pallsins, verkefnið var unnið fyrir Kerfélagið.

Við Svartafoss í Skaftafelli hefur verið byggður um 50 fm útsýnispallur sem var tekinn í notkun árið 2016. Ásamt því voru framkvæmdar endurbætur á stígnum upp að fossinum. EFLA sá um landmælingar, burðarvirki og eftirlit ásamt því að hafa umsjón með útboðsgögnum.

Pallurinn var hannaður af Landmótun arkitektum og var pallurinn unninn fyrir Vatnajökulsþjóðgarð.