Starfsfólk EFLU tók þátt á Lagarlífi, ráðstefnu um eldi og ræktun sem haldin var í Hörpu í liðinni viku. EFLA var þar með sýningarbás og tók á móti fjölmörgum gestum ráðstefnunnar.
Leiðandi í framþróun landeldis
Fjöldi starfsfólks EFLU sótti ráðstefnuna til þess að sitja fjölbreytta fyrirlestra og kynningar en einnig til þess að kynna þjónustu og sérhæfingu EFLU á þessu sviði. EFLA hefur veitt lagareldis- og sjávarútvegsgeiranum þjónustu um áratugaskeið, á flestum sviðum verkfræði og tækni. Hjá fyrirtækinu starfar öflugt teymi sem veitir alhliða ráðgjöf við verkefni í landeldi.
Þá hélt Smári Guðfinnsson, fyrirliði vélateymis á iðnaðarsviði EFLU, vel sótta kynningu sem kallaðist „Shaping the Future of Aquaculture Innovation“. Þar fjallaði hann um aðkomu EFLU að verkefnum í lagareldis og sjávarútvegi.
Kynning EFLU Smári Guðfinnsson, fyrirliði vélateymis á iðnaðarsviði EFLU, á Lagarlífi 2024.