EFLA tekur þátt í ráðstefnu alþjóðasamtaka brúar- og burðarþolsverkfræðinga, IABSE, sem fer fram í New York í vikunni. Þar flytur Magnús Arason, byggingarverkfræðingur, erindi um tvö ný verkefni sem EFLA hefur unnið að, Breiðholtsbrú í Reykjavík og Ullevaalbrú í Osló.
Erindi á ráðstefnu um brúarhönnun
Það eru alþjóðlegu samtökin, The International Association of Bridge and Structural Engineers (IABSE), sem standa að ráðstefnunni og fer hún fram í New York dagana 4-6 september. Þátttakendur koma víðs vegar að en ráðstefnan er ætluð byggingarverkfræðingum, burðarþolshönnuðum, arkitektum, vísindamönnum, rekstraraðilum og öllum þeim sem hafa áhuga á hönnun og rekstri mannvirkja.
Viðfangsefni ráðstefnunnar í ár er „Evolving metropolis“ sem gæti útlagst sem þróun eða vöxtur borgarsamfélagsins og efnið er eftirfarandi.
- Hönnun brúa sem endast inn í næstu öld
- Húsnæði framtíðarinnar fyrir íbúa heimsins á öllum tekjustigum
- Nýjasta tækni til að skapa sjálfbært og hagkvæmt samfélag fyrir alla
- Nýjungar í burðarþolsverkfræði til að mæta vexti
![Headshot of a man](/_next/image?url=https%3A%2F%2Fefla-is.payload.is%2Fmedia%2Ferindi-a-radstefnu-um-bruarhonnun-1.jpg&w=2048&q=80)
Magnús Arason, byggingarverkfræðingur hjá EFLU.
Magnús Arason
Magnús Arason, fer fyrir öflugu sviði brúarhönnuða hjá EFLU, tekur þátt í ráðstefnunni og heldur erindi um nýleg brúarverkefni EFLU. Hann mun fjalla um nýju göngubrúna yfir Breiðholtsbraut í Reykjavík og áhugavert verkefni í Suður-Noregi þar sem unnið var að styrkingu tveggja stálbrúa. Þar var notast við „coiled-pins“ styrkingaraðferð sem aldrei áður hefur verið notuð í Noregi.
Einnig segir Magnús frá flaggskipsverkefni EFLU í Noregi, nýju hjóla- og göngubrúnni við Ullevaal þjóðarleikvanginn í Osló sem var unnið í samstarfi við BEaM architects.
![An image of curved pedestrian bridge from bottom, with clear sky in the background](/_next/image?url=https%3A%2F%2Fefla-is.payload.is%2Fmedia%2Ferindi-a-radstefnu-um-bruarhonnun-2.jpg&w=2048&q=80)
EFLA sá um verkfræðihönnun nýrrar göngubrúar yfir Breiðholtsbraut.
![A pedestrian and bicycle bridge with people walking and running, set against a backdrop of greenery](/_next/image?url=https%3A%2F%2Fefla-is.payload.is%2Fmedia%2Ferindi-a-radstefnu-um-bruarhonnun-3.jpg&w=2048&q=80)
Nýja göngu- og hjólabrúin við Ullevaal þjóðarleikvanginn í Osló.