EFLA framúrskarandi fyrirtæki 14. árið í röðEFLA framúrskarandi fyrirtæki 14. árið í röð

Árlega framkvæmir CreditInfo greiningu um fjárhagslegan styrk og stöðugleika íslenskra fyrirtækja. Fyrirtækin sem komast á lista yfir framúrskarandi fyrirtæki byggja rekstur sinn á sterkum stoðum og stöðugleika sínum í rekstri. Þau fyrirtæki eru jafnframt líkleg til að efla hag hluthafa og fjárfesta og því með sanni eftirsóknarvert að komast á lista framúrskarandi fyrirtækja og njóta þannig aukins trausts.

EFLA er gríðarlega stolt af árangrinum sem hefur náðst. „Heilbrigður og ábyrgur rekstur er eitt af lykilmarkmiðum samfélagslega ábyrgs fyrirtækis. Með því getur það búið starfsfólki sínu góð vinnuskilyrði og greitt þeim samkeppnishæf laun, veitt viðskiptavinum sínum góða þjónustu, greitt skatta og skyldur til samfélagsins og veitt eigendum sínum arð af því fé sem þeir hafa lagt því til. Þá getur fyrirtækið jafnframt látið gott af sér leiða með þátttöku í þróun samfélagsins. Þannig er fyrirtækið ábyrgur samfélagsþegn. EFLA hefur átt því láni að fagna að langtímahugsun, skýr markmið og stöðgur vilji til að gera betur hefur skilað fyrirtækinu einkunninni framúrskarandi fyrirtæki frá Creditinfo 14 ár í röð. Við erum afar stolt af þessum árangri sem aðeins 54 önnur fyrirtæki á landinu hafa náð. Þessi árangur hefur ekki náðst af sjálfu sér heldur er afrakstur þrotlausrar vinnu starfsfólks og eigenda. Það eru forréttindi að fá að tilheyra þeim öfluga hópi sem hefur náð þessum langtíma árangri.“ Segir Sæmundur Sæmundsson, framkvæmdarstjóri EFLU.